O COUREL, 24 DE OUTUBRO. A Executiva provincial do PSdeG-PSOE de Lugo celebrou a súa primeira xuntanza oficial no Courel. Os socialistas explicaron que o motivo da mesma era “unha mostra de apoio e solidaridade aos veciños deste concello ante a indecencia e hipocrisía do Partido Popular que se adica á compra-venda ilegal das persoas”.

O secretario provincial dos socialistas da provincia de Lugo asegurou, no lugar de Seoane, que “os veciños do Courel están sendo atacados polo PP. O PP estalles arrebatando pola forza a súa vontade popular, a súa decisión nas urnas, a máxima expresión da cidadanía que é o voto. Estamos aquí para animar aos cidadáns a que nas vindeiras eleccións lle demostren ao Partido Popular, e a Barreiro e a Feijóo, que se gaña nas urnas”, continuou. Ricardo Varela afirmou nesta primeira reunión da Executiva que comezarán a traballar dende hoxe para recuperar a alcaldía do Courel, “que foi roubada con alevosía”, -destacou-. 

 
“O Partido Popular está desesperado na provincia de Lugo. O PP vive unha situación de desesperación despois de que a cidadanía lle dese a ‘espalda’ nas últimas eleccións”, incidiu Varela, despois da cita cos membros do seu equipo. “O señor Barreiro é un ninguén na política desta provincia, porque non ten a capacidade de exercer a súa política nin no ámbito provincial, nin no ámbito municipal, e non lle trasladan este poder dende a Xunta de Galicia, onde llo dan a delegada do goberno; polo tanto non pinta nada nin no PP, nin na provincia de Lugo, -dixo-. Barreiro quere a través das miserias das mocións de censura rabuñar algunhas cotas de poder, pero os cidadáns lle explicarán que iso non se pode facer así. Barreiro, -seguiu-, utiliza as mesma costumes antidemocráticas dos seus predecesores, pero non ten nin a capacidade nin a personalidade política para ser ninguén nesta provincia”.

 
O lucense falou dun método, “que non vai ocorrer”, -subliñou-, para desmarcar a Feijóo destas mocións de censura, das que insiste que está detrás. “Núñez Feijóo está detrás destas mocións de censura. A única forma, o único método ou sistema para que se desmarque das mesmas é abrindo un expediente disciplinario para a expulsión do señor Barreiro e do señor Bouza, que están promovendo estas iniciativas na provincia. Sabemos que esto non vai a ser así, porque Núñez Feijóo é a man que mece a cuna. El é o que xunto con Barreiro están detrás destas mocións de censura”, subliñou.

Varela instou aos socialistas a seguir traballando no Courel, e en toda a provincia, “para dar resposta aos cidadáns nos seus problemas do día a día, cun comportamento democrático”.

Pola súa parte José Fontal falou dun “atraco con alevosía”. Tamén lembrou que chegou a alcaldía cunha maioría absoluta e que polo tanto “o PP adicouse a calcular unha operación aritmética mediante a cal obter o poder. O resultado foi un voto tránsfuga”, incidiu. Fontal engadiu que nos próximos comicios os cidadáns cobrarían factura. “Ladróns e encubridores a mesma pena merecen. O Partido Popular está detrás destas artimañas. O PP xa nos teñen acostumados a estas actitudes; o que non pode obter nas urnas róubao apoiándose en xente manexable, comprando a súa vontade e sen o apoio dos veciños. Veciños que volverán a votar, e entón atoparémonos nas urnas”, rematou o socialista.

A Comisión Executiva Provincial de Lugo, reunida no día 24 de outubro de 2009, no concello do Courel, manifesta:

O seu máis profundo rexeitamento e fonda preocupación polos lamentables feitos que están a acontecer na vida municipal desta provincia, provocados pola actitude indecente e antidemocrática do Partido Popular, que ven alterando as maiorías de goberno dos concellos de Láncara e Folgoso do Courel coa compra-venda inmoral de vontades políticas, de concelleiros sen escrúpulos que non respectan a decisión popular, nin as regras de xogo elementais nunha democracia, e non respectando en absoluto o pacto antitransfuguismo, asinado no seu día polos partidos políticos. Unha actitude hipócrita dos actuais dirixentes do Partido Popular que son os que programan, amparan e executan estas mocións de censura indignas e vergoñentas.